Narekober ang 272,000 pesos nga bili sang shabu sa operasyon sang Regional Drug Enforcement Unit sa pagpamuno ni Team Leader Police Lt. Thurslie Castillo.
Nadakpan si Erwin Agsam nga subject sa buybust operation sa Carmella Subd. Barangay Bata syudad sang Bacolod.
Magluwas sang shabu, nakuha man kay Agsam ang isa ka 38 caliber revolver kag isa ka unit sang van.
Walo ka elongated sachet kag trese ka big transparent plastic sachet sang suspected shabu ang nakuha sa suspek nga may bug-at nga 40 gramos.
Suno kay Castillo, malawig man ang surveillance nila kay Agsam antis nga gin patigayon ang operasyon sa iya nga balay. Kaso paglapas sang Section 5 & 11 sang R.A.
9165 paghupot kag pagbaligyaan sang ginadilian nga druga ang atubangon sang suspek.
Magapangatubang man si Agsam sang dugang nga kaso nga illegal possession of fire-arms paglapas sang R.A. 10591 matapos nakuhaan sang armas luthang.
Ang suspek ang yara sa custodial facility sang Police Station 3 durante ginapreparar ang kaso batok sa iya. | Aksyon Eric Magbanua
