Cadiz City – Patay ang isa ka persona matapos ginluthang sang wala pa makilala nga suspetsado sa Sitio Alimatoc Brgy., Celestino Villacin Cadiz City.
Natabo ang pagpangluthang mga alas 6 sang gab i. (Noviembre 7, 2018) sang mabati-an sang mga pumuloyo sa indi malayo nga distansya sa diin nasapwan ang bangkay sang biktima.
Gin kilala ang biktima nga amo si Laarni Pepito ginabulubanta 40 anyos ang edad kag residente sang Sitio Asparto Brgy., Minapasok Calatrava Negros Occidental.
Ini siya ang nakilala paagi sa iya hinablos nga si Jonel Abrigoso 27 anyos kag residente man sang Sitio Asparto Brgy., Minapasok banwa sang Calatrava.
Wala paman sa karun may natumod nga suspek ang kapulisan apang suno kay Supt. Rocky Desear hepe sang Cadiz City PNP gina-verify pa kun matuod ang ila nabaton nga impormasyon nga ang biktima imbolbado sa kinawatay, pagpanghold, gun for hire kag nagapangkawat sang mga single motorcycle sa area sang Sagay, Cadiz kag Escalante.
Sa inisyal nga pag usisa sang bangkay sa biktima sa funeraria may ara madamo nga pilas sa lawas kag ang patal nga igo ang sa iya nga ulo nga amo ang gintun-an sang gilayon sini nga kamatayon.
Angut sini, lubos naman nga ginpanginwala ni Rolita Pepito, iloy sang biktima nga indi matuod ang ginpasibangod sang kapulisan sa iya nga bata.*Aksyon Roger Gutib