Patay ang 56 anyos nga lalaki matapos ginluthang ang kaugalingon sa Brgy. Mansablay, banwa sang Isabela kagab-i, Pebrero 26.
Sa inisyal nga pagpangusisa ni PCapt. Joseph Partidas, nasapwan na lamang ang biktima sa sulod sang iya kamalig nga wala sang kabuhi matapos ginluthang ang kaugalingon gamit ang kalibre .38 caliber revolver.
Dugang pa ni Partidas, ang biktima nakaangkon sang malubha nga pilas sa ulo nga nangin tunaan sang iya nga kamatayon.
Nahibaluan man ni Partidas nga may depression ang napatay bangod napatay ang iya asawa kag bata tungod sa balatian.
Narekober sa lugar sang insidente ang armas nga may lima pa ka bala kag isa ka basiyo.