LALAKI, GINLUTHANG-PATAY SANG GIN ALEGAR RIDING IN TANDEM

Share on facebook
Share on google
Share on pinterest
Share on twitter
Share on print

Patay ang 31 anyos nga lalaki matapos ginluthang sang gin alegar Riding in Tandem la 1:30 sang hapon, Enero 9 sa dalan Osmeña, Don Juan Subdivision, Barangay 2, syudad sang San Carlos.

Ginkilala ang napatay kay Regan Longakit kag pumuluyo sa lugar nga natabo an sang insidente.

Suno kay Supt. D’Artagnan Katalbas Jr., hepe sang San Carlos City PNP, natabo ang pagpangluthang samtang nagapanyaga ang biktima, upod ang iya asawa.

Igo sa ulo, abaga kag kilid ang naangkon ni Longakit nga amo ang gintunaan sang iya kamatayon.

Dugang pa ni Katalbas, kaso angut sa droga ang ila ginatutukan nga motibo sa insidente.

Samtang nasalabat naman sang nagtalang nga bala sa kamot ang asawa sang biktima. Narecover sa eksena sang insidente ang tatlo ka slug kag lima ka basiyo sang kalibre .45 nga armas luthang.

APAT KA MGA KARABAO PATAY MATAPOS NAIGO SANG KILAT SA BARANGAY BACONG, BAGO CITY

Patay ang apat ka mga karabao sang Pamilya Dellosa matapos naigo sang kilat sa Purok Kalubihan, Barangay Bacong, syudad sang Bago, Sabado, Mayo 8.

Sa interview sang Aksyon Radyo kay Carlo Dellosa, 18 anyos, ang apat ka karabao ang yara sa idalum sang kawayan sang natabo ang insidente.

Suno kay Dellosa, mga las 12 kaina sang udto sang nag ulan sa ila nga lugar, nag init, antes nga nag igo ang makusog nga kilat.

Nagapati si Dellosa nga naigo sang kilat ang apat nila karabao bangud nasunog ang pila ka bahin sang lawas sang sapat.

Nagakasubo ang Pamilya Dellosa sa nadangatan sang karabao nga nagabulig sa ila sa uma. | Aksyon Dale Salazar

23 KA MGA BALAY GINPAIDALUM SA GRANULAR LOCKDOWN SA MURCIA

Ginpaidalom sa granular lockdown ang 23 ka mga balay sa banwa sang Murcia matapos magpositibo ang pila ka mga residente sa lugar.

Nagpapanaug sang executive order si Murcia Mayor Gerry Rojas nga nagamando sa pagpaidalom sa critical zone sa 13 ka mga balay sa Purok Piña, Brgy. Zone 1 kag 10 ka mga balay sa Purok Golden Kamote, Brgy. Zone 2, epektibo Mayo 7 tubtob Mayo 17.

Bangud sini, ginmanduan ang barangay council, tanod kag mga kapulisan nga istrikto nga ipatuman ang mga health protocols.

Sa pinakahulihi nga datus sang Murcia Rural Health Unit, 410 na ang kumpirmado nga kaso sang COVID-19, kun sa diin 60 diri ang aktibo nga kaso. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.