Pilason ang isa ka lalaki matapos nga ginbuno sa Purok 1, Barangay Talacdan, banwa sang Cauayan sadtong Lunes sang kaagahon.

Ang biktima ginkilala kay Dennie Sueno, 36 anyos, samtang ang suspetsado ginkilala naman kay Rodel Villarias, 41 anyos tanan nagapuyo sa amo man nga lugar.

Sa imbestigasyon sang Cauayan PNP, una nga ginhaboy sang bato sang suspetsado ang puloy-an sang biktima.
Suno sa kapulisan, nagwa ang biktima nga may dala nga kahoy kag nagluntad ang kinagamo sang duha.

Natambagan ini sang mga kaingod, apang may mga pilas na ang biktima tuga sa pagbuno.

Ginhingagaw dala sa hospital ang biktima, samtang nagpalagyo naman ang suspetsado.

Padayon pa ang imbestigasyon sang motibo. | Aksyon Bryan Morden