Patay ang isa ka lalaki matapos ginluthang sa Prk. 1, Brgy. Inayawan banwa sang Cauayan las 7:00 sang gab-i, Nobyembre 3.
Ginkilala ang biktima kay Orlando Biana, 59 anyos samtang ang mga suspetsado ginkilala sanday, Rico Villanueve,30, Jeorge Villanueva,33 kag alyas DonDon Estrada, 35 anyos.
Suno kay Chief Inspector James Latayon, hepe sang Cauayan PNP, si Biana upod ang iya pamilya ang yara sa sulod sang ila puluy-an ginpaulanan sang bala sang mga suspetsado.
Dugang pa ni Latayon, nag singgit pa ang isa sa mga suspetsado nga “PAGWA-A DA ANG BANA MO, KON INDI MAULAMID KAMO”.
Nahibaloan nga ginsulod sang mga suspetsado ang puluy-an ni Biana, didto kag gindakop kag ginguyud pagwa ang biktima padulong sa ila terasa kag ginluthang sang makapila ka beses nga amo ang gintunaan sang iya kamatayon.
Sa karon may lead na ang kapulisan sa posible motibo sa nagluntad nga krimen.
Narekober sa crime scene ang pila ka basiyo sang calibre 45 nga armas luthang kag base sa inisyal may pito ka pilas tuga sang pagpangluthang ang naangkon ni Biana.
Matapos ang insidente, gilayon man nga nagpalagyo ang mga suspetsado sa wala mahibalu-an nga direksyon. | Via Aksyon Eden Aboso
