LALAKI, 24, DAKOP SA DRUG BUST SA BRGY. TACULING

Share on facebook
Share on pinterest
Share on twitter
Share on print

Dakop sang mga kapulisan sang Police Station 6 ang isa ka newly identified drug personality sa buy bust operation nga ginpatigayon sa Purok Gonzaga, Brgy. Taculing syudad sang Bacolod kaina sang hapon (Enero 17).

Ang nadakpan ginkilala kay Joe Blam III, 24 anyos sang amo man nga lugar.

Narekober sa subject ang apat ka sachet sang ginasuspetsuhan shabu kun sa diin ginabulubanta nagabalor 8 mil ka pesos, disposable lighter, improvised tooter, gunting kag isa ka libo ka pesos nga kwarta.

Suno kay Sr. Insp. Elmer Bonilla, hepe sang Police Station 6, mismo ang mga pumuluyo sang amo nga lugar ang nagpalab-ot sa ila sang impormasyon may kaangtanan sa transaksyon sang droga sa amu nga lugar.

Naglawig sang isa ka semana ang ginpatigayon nga surveillance sang mga kapulisan batuk kay Blam. Ang nadakpan priso karun sa kustodiya sang Police Station 6 para sa nagakaigo nga disposisyon. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.