MENU

LACSON NAGMANDO SA MGA ALKALDE NGA IPATUMAN ANG MEMO ANGUT SA ASF

  • at 5:37 pm
Share on facebook
Share on pinterest
Share on twitter
Share on print

Ginmandoan ni Gobernador Eugenio Jose Lacson ang mga alkalde sa Negros Occidental nga iimplementar ang iya gin-isyu nga memorandum nga nagadumili sa pagpasulod sang buhi nga baboy, boar semen, kag mga produkto halin sa karne sang baboy nga makasulod sa probinsiya halin sa Mindanao.

Sa memo nga ginpirmahan sang gobernador Pebrero 6, 2020, iya ginsiling nga basi sa reports kag findings sang Provincial Veterenary Office, naglapta na ang African Swine Fever ukon (ASF) sa rehiyon sang Mindanao partikular sa Davao Occidental sa diin linibo ka mga baboy ang nagkalamatay bangud sa amo nga balatian.

Dugang pa ni Lacson, wala sang klaro nga tikang nga nahimo ang Department of Agriculture kun paano maproteheran sa ASF virus ang mga malapit nga rehiyon kag probinsiya.

Ang implementasyon sang memo ang nasandig sa Provincial Ordinance No. 2-19-024 ukon ASF Preventive Ordinance sang Negros Occidental. Una na nga gindumilian ang pagpasulod pork , pork products kag iban pa nga mga food items halin sa Luzon. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

TUBTOB MAYO 30 GINPANGABAY SANG MGA NAGA NEGOSYO SA VENDORS’ PLAZA

April 19, 2024

Nagapangabay si Kapitan JR Alcantara sang Barangay 12 sang dugang nga 15 tubtob 30 dias para maka preparar kag makasaylo ang mga nagabaligya pa sa vendors’ plaza.

Una nga ginpahayag ni City Legal Officer Atty. Romeo Carlos Ting Jr., nga sa pag abot sang Lunes, Abril 20, pwersa nga pahalinon ang nabilin nga nagabaligya sa lugar kon indi boluntaryo nga magbiya matapos ang demand letter nga ginpapanaug.

Suno kay Alcantara, madugay na nga nagabaligya sa lugar ang mga naga karenderya antes paman gintukod ang vendors’ plaza.

Suno kay Alcantara, nagapangabay ini sang human consideration sa mga ma apektuhan nga ma plastar ang mga magagmay nga negosyante antes nga pahalinon lakip man ang financial assistance.

Liwat nga ginatindugan ni Alcantara ang pahayag sadto ni Mayor Albee Benitez nga wala sang demolisyon nga matabo kon wala pa maplastar ang sayluhan.

Ginpahayag sang Kapitan, gina comply pa sang iban nga residente ang requirements para sa relocation site sa Barangay Vista Alegre.

Sa record sang BHA, sa 64 ka kwalipikado nga pamilya, 35 na ka pamilya ang nakabaton sang award nga lote sa relocation site.

Suno kay Jerry Badayos, 50 anyos, 10 ka tuig na siya nga naga tyangge sa amo nga lugar kag ini ang nagaserbe sini nga palangabuhian.

Suno kay Badayos, sa meeting nila kaupod kay kapitan, nagpangayo sila sang bulig para nakalambot kay Mayor Albee Benitez ang ila pangabay nga makatiner kag makabaligya tubtob pa sa Mayo 30 kag indi sa adlaw nga ginhatag sang City Legal Office nga tubtob nalang sa Abril 22.

Ginapangabay man ni Badayos nga mahatagan sila sang pwesto sang syudad para makapadayon sa pagbaligya.

What’s your Reaction?
+1
0
+1
0
+1
0
+1
0
+1
0
+1
0
+1
0

PAGDEKLARAR SANG STATE OF CALAMITY SA NEG OCC, GINPANGABAY SANG UNIFED

April 19, 2024

Gin-apelar ni United Sugar Producers Federation (Unifed) President Manuel Lamata, kay Governor Bong Lacson , Vice Governor Jeffrey Ferrer kag mga Provincial Board Members nga magdeklarar sang state of calamity sa Negros Occidental.

Suno kay Lamata, isa ini sa mga pamaagi para makabakal sang kaugalingon nga eroplano ang gobyerno probinsiyal agud usaron sa cloud seeding operations.

Dugang ni Lamata, nga nagakinahanglan na subong sang tubig ang mga katubuhuan nga apektado sang El Niño phenomenon.

Una diri ginpangabay ni Fifth District Cong. Dino Yulo ang Bureau of Soil and Water Management (BSWM) nga i-reassess ang ila desisyon nga nagapamatuk sa cloud seeding bangud sa kakulang sang seedable clouds kag posible kahalitan sa mga kapahuan sa San Carlos kag Guimaras.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.