LACSON NAGA SUPORTA NGA IPAISOL SA 2021 ANG PAG BUKAS SANG KLASE

Share on facebook
Share on google
Share on pinterest
Share on twitter
Share on print

Luyag ni Negros Occidental Gobernador Eugenio Jose Lacson nga sa tuig 2021 na lamang patigayunon ang pagbukas sang klase, tuhay sa ginaduso nga Agusto 24, 2020.

Suno kay Lacson wala pa siya sang nabaton nga ‘official statement’ halin sa Department of Education angot sa pinal nga petsa sa pagbukas sang klase, apang kun siya ang pasugtan, mas pakamaayuhon niya nga ini ang himuon na lamang sa masunod nga tuig.

Dugang sang gobernador, indi pa masiguro ang kaluwasan sang mga estudyante sa covid-19 subong nga tuig, bangud nagapabilin sa gihapon ang peligro sini.

Pahayag pa ni Lacson, wala man sang madula sa mga estudyante kun magpahuway ang mga ini sa sulod sang isa ka tuig.

Nagapati si Lacson nga may matumod na nga bulong ukon bakuna sa sunod nga tuig, kag amat amat naman nga maghagan-hagan ang kaso.

Sa karon pila na ka mga grupo ukon organisasyon ang nagaplano sa paglansar sang petisyon, agud ipanawagan ang pagpaisol sang school year nationwide sa 2021. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.