Nabalaka si Governor Bong Lacson sa pagbalik saka sang kaso sang Covid-19 active cases sa Negros Occidental sa sulod na sang pila ka adlaw subong nga bulan sang Enero.
Suno kay Lacson, posible nga ini ang resulta na sang mga selebrasyon sa nakaligad nga holiday seasons, sa diin madamo sang mga pamilya ang nagtililipon para saulogon ang paskwa kag bag-ong tuig.
Nagalaom ang gobernador nga indi magresulta sa dugang nga pagdamo sang kaso, ang pagtililipon sang mga tawo sa mga evacuation centers sa Northern Negros nga ginlaslasan sang baha, pati na sa syudad sang San Carlos.
Dugang pa ni Lacson nakarekord na kuntani sang pinakanubo nga 94 ka mga active cases ang probinsiya, apang liwat naman nga nagsaka sa 132 “as of January 19, 2021”.
Halin sa walo, nagnubo man sa tatlo ka mga lugar ang Covid-19 free nga amo ang Don Salvador Benedicto, San Enrique kag Valladolid. | Aksyon Marlon Genovea