LACSON MAY PANUGYAN SA LMP ANGUT COVID-19 VACCINE

Share on facebook
Share on google
Share on pinterest
Share on twitter
Share on print

Ginpanugyan ni Governor Bong Lacson sa League of Municipalities of the Philippines  (LMP) Negros Occidental, nga pangabayon ang gobyerno nasyonal nga ilakip ang mga munisipalidad sa pagahatagan sang Covid-19 vaccines agud indi na magproblema sa pagpangita sang igapain nga pondo.

Suno kay Lacson, plano man sang LMP nga makigsapol kay vaccine czar Carlito Galvez Jr., kag Presidential Spokesman Harry Roque agud mahibaluan ang proseso sa pagbakal sang bakuna kag kun may mga LGUs nga pwede man maka avail sang libre.

Sa sinapol ni Lacson sa Association of Chief Executives (ACE)  kahapon Enero 13, madamo sang mga alkalde ang nagpalayag nga magapain man ang ila syudad sang pondo para ibakal sang bakuna kontra Covid-19.

Apang ginsiling sang gobernador nga madamo man sang mga munisipalidad ang indi makasarang sa pagpain sang daku nga pondo, ilabi na ang mga 4thkag 5th class municipalities. | Aksyon Marlon Genovea

RESORT NGA NAGPATIGAYON SANG FOAM PARTY, GINPASIRA

Gin kumpirmar ni City Administrator kag EOC Executive Director Em Ang ang gin himo sang syudad nga pagpasira sang resort sa Barangay Pahanocoy syudad sang Bacolod nga nagpatigayon sang Foam Party pagkatapos sang blessing tinalikdan nga semana.

Suno kay Ang, base sa imbistigasyon nga gin patigayon sang EOC, klaro nga may yara sang na komitir nga bayolasyon ang pamunuan sang resort ilabi na nga wala nila gin pahibalo ang Punong Barangay sa lugar angut sa nga aktibidad magluwas lamang sa blessing activity nga ila gin pangayuan sang pahanugot.

Dugang pa ni Ang, nagpatigayon man sang inspection ang mga personnel sang Permits and Licensing Division sa lugar sa diin ila na diskobrehan nga ini ang wala pa sang kumpleto nga mga permit agud sa pag bukas sang ila operasyon.

Ang amo nga closure order ang gin serbe sang Biernes sang hapon, Enero 22 paagi sa talatapan sang City Legal Office kag Permits and Licensing Division. | Aksyon Art Tayhopon

BARIBAR GINA ABI-ABI ANG GINADUSO NGA PAGHALOG SANG AGE LIMIT NGA MAKAGWA

Gina abi-abi ni Councilor Archie Baribar ang desisyon sang National IATF nga pag halog sa age limit sang publiko nga sarang maka gwa sa puluy-an sa mga lugar nga napaidalum sa MGCQ status.

Suno kay Baribar, ini nga lihok ang indi lamang maka bulig sa aspeto sang ekonomiya, kundi maka pa hagan-hagan man sa psychological kag emotional nga gina batyag sang publiko ilabi na ang mga Senior Citizen nga naga edad 60 tubtob 65 anyos.

Dugang pa sang konsehal, may pila ka mga Senior Citizen nga luyag lamang nga maka gwa sa ila puluy-an para sa pagsimba apang wala sang mahimo bangud sa gina patuman nga restriksyon sang gobiyerno.

Importante lang suno kay Baribar nga mapadayon sang publiko ang pagsunod sa health protocol nga gina patuman sang mga otoridad agud malikawan ang ano man nga problema sa Covid-19 sa palaabuton. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.