Ginasuportahan ni Negros Occidental Governor Eugenio Jose Lacson ang resolusyon sa kamara nga nagapamatok sa plano sang gobyerno nasyonal nga pag import sang barato nga kalamay nga wala sang limitasyon.
Nagalaom si Lacson nga makumbinsir ang iban pa nga mga opisyal sang gobyerno , ilabi na ang mga senador nga may dako nga papel sa pagdesisyon.
Nabalaka ang gobernador nga kun madayon ang sugar import liberalization, maapektohan ang industriya sang kalamay sa probinsiya.
Nagligad nga Biyernes, 26 ka mga kongresista ang nagpasar sang resolusyon agud pamatokan ang deregulation ukon liberalization sa sugar importation.
Pila sa mga nagpirma sa resolusyon amo sanday Representatives Francisco Benitez, Noel Villanueva, Jocelyn Limkaichoing, Arnulfo Teves Jr., Gerardo Valmayor Jr., Lucy Torres Gomez, Lorenz Defensor, kag Manuel Zubiri. | Aksyon Marlon Genovea