Ginakabig ni Gobernador Eugenio Jose Lacson nga isa ka daku nga panghangkat sa iya administrasyon ang pagsulbar sa problema sa dengue kag african swine fever ukon (ASF)subong nga tuig.
Suno kay Lacson nangin madinalag-on ang kampanya sang gobyerno probinsiyal batuk sa dengue bangud natinguhaan sini nga mapanubo ang kaso.
Sa karon suno sa gobernador, ang ASF na lamang amo ang ginatutukan agud mapasiguro nga indi ini maglapta sa probinsiya.
Sa kapin lima ka bulan nga pagpangalagad ni Lacson, iya man ginpabugal ang pagsulbar sa problema sang mga barangay kapitan kag ginpasiguro nga umpisa tuig 2020, iya pagaaktohan ang mga project proposal nga ginsumiter sa iya talatapan.
Dugang pa ni Lacson, iya na lamang ginatugyan sa publiko kun anu ang paglaragway sa iya administrasyon subong nga 2019. | Aksyon Marlon Genovea