Personal nga gin-usisa ni Governor Bong Lacson ang thermal scanners kag swab-testing booths sa Bacolod-Silay Airport bilang preparasyon sa sweeper flights sang Philippine Airlines ukon (PAL) bwas nga adlaw, Hunyo 9.
Kaupod sang gobernador sa pag inspeksyon, sanday Bacolod-Silay Airport Manager Percy Malonesio, Board Member Andrew Montelibano, Silay City Mayor Mark Golez kag Provincial Administrator Rayfrando Diaz.
Sa una nga biyahe, 199 ka mga locally stranded individuals ukon (LSIs) ang magahalin sa Manila alas 11 sang aga , samtang ala una sang hapon naman magabiya ang Bacolod to Manila flight.
Magalawig ang sweeper flights sang PAL tubtub Hunyo 11.
Una diri ginpahayag sang gobernador nga tugutan sa gilayon nga makapauli sa ila lugar ang mga returning LSIs, magluwas lamang sa mga may mataas nga temperatura. | Aksyon Marlon Genovea