Ginhingadlan ni Negros Occidental Governor Eugenio Jose Lacson si Valladolid Municipal Mayor Enrique “Bebot” Miravalles nga amo ang kandidato sang ila local political group nga Love Negros, bilang presidente sang League of Municipalities of the Phillippines ukon LMP.
Suno kay Lacson wala siya sang ihibalo kun may kasumpong si Miravalles sa amo nga posisyon.
Sa karon bakante ang posisyon sa pagka presidente sa LMP-Negros , matapos magdaug bilang board member sang ika apat nga distrito ang sadto naga uyat nga si Jose Benito Alonso.
Si Alonso ang kaalyado ni anay Governor Alfredo Marañon Jr. sa United Negros Alliance ukon Unega. Sa bahin sang Unega, ginsiling ni Vice Governor Jeffrey Ferrer nga wala pa sila sang kandidato. | Aksyon Marlon Genovea
