May nagakaigo nga rason si Presidente Rodrigo Duterte sa pag-abolish sa Philippine Sugar Corporation ukon (Philsucor). Ini ang ginpahayag ni Negros Occidental Vice Governor Eugenio Jose Lacson sa Memorandum Order Number 30, nga nagamando sa pag-abolish sa amo nga korporasyon.
Nagapati si Lacson, nga ang bag-o nga layi nga Sugarcane Industry Development Act ukon (SIDA) law, amo na ang igabulos sa Philsucor bangud ini ang gindesinyo man agud suportahan ang farm structure kag industriya sang kalamay. Gintukod ang Philsucor paagi sa Presidential Decree sadtong tuig 1983 agud i-finance ang establishment, expansion, kag acquisition sang sugar mills, refineries, kag iban pa nga mga facilities agud mapaayo ang sugar industry. | Via Aksyon Marlon Genovea