LABOR GROUP NAGA PAMATOK MAN NGA IBALIK ANG BACOLOD SA ECQ

Share on facebook
Share on google
Share on pinterest
Share on twitter
Share on print

Indi pabor ang General Alliance of Workers Association (GAWA)-Negros sa apelasyon sang mga grupo sang doktor nga ibalik sa Enhanced Community Quarantine (ECQ) ang syudad sang Bacolod bangud sang padayon nga pagsaka sang kaso sang COVID-19.

Suno kay Winnie Sancho, Secretary-General sang GAWA-Negros, kinahanglan nga balansihon ang ekonomiya kag ikaayong lawas samtang padayon ang pandemic.

Nagapati si Sancho nga sa tion nga liwat magbalik sa ECQ ang syudad mabudlayan na nga mabalik sa normal ang kahimtangan sang ekonomiya kag magdoble ang unemployment rate bangud madamo nga mga establisyemento ang magasira.

Dugang pa ni Sancho, magataas man ang poverty rate kag madamo ang magutom bangud nga madamo man ang madulaan sang ila palangitan-an.

Nagapanawagan naman si Sancho sa gobyerno nga hatagan sang igtalupangod ang mga mamumugon nga nadulaan sang trabaho kaangay na lamang sang nga nagpinauli nga Overseas Filipino Workers (OFWs). | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.