LABOR GROUP DISMAYADO SA NTC SA PAGMANDO SA PAGSIRA SANG TV NETWORK

Share on facebook
Share on google
Share on pinterest
Share on twitter
Share on print

Dismayado ang lider sang labor sector sa probinsya sang Negros Occidental kag syudad sang Bacolod angut sa mando nga gin pa gwa sang NTC nga nagpa untat sa operasyon sang ABS-CBN.

Suno kay Wennie Sancho Secretary General sang General Alliance of Workers Association ukon GAWA, ang ginhimo nga aksyon sang NTC ang isa ka klaro nga labor oppression sa diin maga dulot lamang sang dugang nga problema sa kawad-on sang trabaho sa pungsod.

Dugang pa ni Sancho, wala man sang palabra de honor ang amo nga ahensya bangud sa kapaslawan sang mga opisyales sini nga tumanon ang ila ginhimo nga palayag sa tion sang Congressional hearing angut sa gina paabot nga pagpa gwa sang provisional authority sa amo nga kumbuyahan.

Sa pihak nga bahin, naga pati man si Sancho nga may yara man sang salabton ang Kongreso sa manubo nga panalgan angut sa nagluntad nga insidente, bangud sa kapaslawan sini nga aktuhan ang madugay na nga pending application sang amo korporasyon. | Aksyon Art Tayhopon

MORE STORIES:

error: Ooops... You are not authorized to copy this content.