KORTE NAG ISYU SANG TRO BATUK SA PAGPATUMAN SANG JOINT VENTURE AGREEMENT SA TUNGA SANG BACIWA KAG PRIME WATER

Share on facebook
Share on google
Share on pinterest
Share on twitter
Share on print

Indi pa makasugod ang Prime Water sa pag-operate kag pag manage sang Bacolod City Water District ukon BACIWA umpisa Nobiembre 1.

Ini matapos nga gin grant sang korte ang Temporary Restraining Order ukon TRO nga gin pangayo sang mga nagpasaka kaso lakip na dire si Councilor Wilson Gamboa Jr. nga isa ka principal complainant.

Suno sa Konsehal, kaina sang aga, Martes sang nag patigayon sang hearing si Presiding Judge Phoebe Gargantiel-Balbin sang Branch 45 Regional Trial Court kag nag hatag sang TRO nga magalawig sang 20 ka adlaw.

Gin paathag ni Konsehal, bangud sini, indi pa makapangalagad ang Prime Water sa Baciwa kag maga pabilin nga status quo ang operasyon sang water district.

Suno kay Gamboa, gin talana sa Nobiembre 9 ang masunod nga hearing kag dira mahibaluan kon may bayolasyon sa gin pirmahan nga kontrata sa tunga sang Prime Water kag Baciwa.

Suno sa Konsehal, 15 ang respondents sa kaso lakip na dire ang mga myembro sang Joint Venture Selection Committee.

Naga pati si Gamboa nga may yara sang constitutional violation kag highly disadvantageous ang kontrata.

Una na sadto nga gin pahayag ni Engr. Jenelyn Gemora, assistant General Manager for operations sang BACIWA, nga ila paga respituhon kag sundon ano man ang mangin mando sang korte.

MORE STORIES:

LIKE US ON FB

error: Ooops... You are not authorized to copy this content.