Pagaumpisahan na ang konstruksyon sang museum kag MassKara Coliseum sa syudad sang Bacolod subong nga first quarter sang 2020.
Ini ang damlag lang gin anunsyo ni Bacolod Mayor Evelio Leonardia.
Ang museum ang naga balor sang 163 milyones pesos nga gin donar ni Senador Juan Miguel Zubiri bilang legacy project niya sa syudad.
Ang coliseum ang naga balor naman sang 800 milyones pesos bilang kabahin sa 1.7 billion pesos loan sang syudad sa Development Bank of the Philippines.
Ang duha ka mga proyekto ang tupaday nga pagatukuron sa propedad nga gin donar sang Vallacar Transit Incorporated sa Barangay Alijis.
Suno kay Leonardia, sa tion nga matapos na ang duha ka mga proyekto, maga lain na ang syudad sang Bacolod.
Gina lantaw sang Alkalde nga sa coliseum nga may 10,000 seating capacity na patigayunon ang New Year Countdown sa Bacolod sa kada tuig. | Aksyon Dale Salazar