Nagalaum si Bacolod City Councilor Ceasar Distrito nga magapadayon ang suporta nga gina hatag sang publiko sa kapulisan angut sa implementasyon sang Anti-Vandalism nga ordinansa sang syudad.
Suno kay Distrito ang natabo nga pagkatikma sang isa ka persona sa Brgy. Alijis ang isa ka klaro nga indikasyon para sa katumanan sang amo nga handum.
Ginahangkat man sini ang kapulisan sa pagpasaka sang kaso sa nadakpan nga suspetsado bilang leksyon sa iban pa nga mga indibidwal nga nagahimo sang kasubong nga bayolasyon.
Nagapati man ang konsehal nga dako ang papel kag obligasyon sang tagsa ka mga opisyales sa Barangay para sa pagpatuman sang amo nga kasuguan.