KONGRESO GIN APRUBAHAN ANG HAGNA NGA NAGA TUKOD SANG BACOLOD CITY GENERAL HOSPITAL

Share on facebook
Share on pinterest
Share on twitter
Share on print

Gin aprubahan sang Kongreso sa third kag final reading ang House Bill 6731 ukon ang proposed bill nga naga establisar sang tertiary hospital nga paga tawgon nga Bacolod City General Hospital.

Suno kay Congressman Greg Gasataya, author sang hagna, ang HB 6731 ang na aprubahan sang Hunyo 3 matapos ang 11 ka bulan sang ini ang gin duso sang Hulyo 2019.

Bilang kabahin sang proseso, ang aprubado nga hagna ang isumiter sa Senado para talakayon sang natungdan nga komitiba.

Suno sa Kongresista, sa idalum sang guidelines sang DOH, ang tertiary general hospital ang naga tanyag sang Family Medicine, Pediatrics, Internal Medicine, Surgery, Obstetrics and Gynecology, Emergency Services, Outpatient Services kag iban pa. Suno sa Kongresista, antes napasar ang house bill sa kongreso, nag komiter na si DOH Secretary Francisco Duque III nga maga bulig ang ahensya sa pag establisar sang pasilidad kag maga bulig sa una nga tuig sang operasyon sang hospital.

Suno kay Gasataya, dako nga bulig para sa mga pumuluyo nga may yara sang kaugalingon nga hospital ang syudad ilabi na karon nga may Covid-19 pandemic.

Gin klaro ni Gasataya ang ini nga hagna ang lain sa layi na karon nga naga pasaka sang bed-capacity humalin 400 pakadto 1,000 sang Corazon Locsin Montelibano Memorial Regional Hospital. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.