KASUNOD SANG MEASLES OUTBREAK SA BJMP-HANDUMANAN; PHO MAY PANUGYAN

Share on facebook
Share on pinterest
Share on twitter
Share on print

Ginpanugyan ni Negros Occidental Health Officer Dr. Ernell Tumimbang sa mga ginikanan nga indi anay pagpasudlon sa compound sang Negros Occidental District Jail ukon (NODJ) ang mga kabataan nga wala mapaidalom sa anti-measles-rubella immunization ukon bakuna atuk sa tipdas.

Ini kasunod sa measles outbreak nga gindeklarar sa compound sang Bureau of Jail Management and Penology sa Barangay Handumanan siyudad sang Bacolod.

Ginklaro ni Tumimbang nga wala pa sang kaso sang tipdas sa (NODJ) , apang importante nga temprano pa, mapasiguro na nga wala sang malatnan nga kabataan, sa tion nga may priso nga makaangkon sang amo nga masakit.

Nagasalig si Tumimbang nga mapahagan-hagan ang kaso sang tipdas bangud sa nagapadayon nga “Ligtas Tigdas” measles-rubella supplemental immunization activity sa probinsiya.

Ini ang naga-engganyo sa mga ginikanan nga pabakunahan ang ila kabataan edad anom ka bulan tubtub lima ka tuig, agud indi matapikan sang tipdas.

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI, PATAY SANG GINTIRO MATAPOS NASAL-AN NGA KONTRA SANG SUSPECT

Patay ang isa ka lalaki matapos masal-an nga amo ang kontra sang suspect sa nagluntad nga shooting incident sa Sitio Kantinakip, Barangay Sikatuna banwa sang Isabela, las 11 kagab-i, Marso 26.

Suno kay Police Captain Arjay Dangarang, hepe sang Isabela PNP, nagalakat ang biktima nga si Randy Labinoy, 39 anyos sa ka sagingan sang hinali nalang nga ginluthang sang wala pa ginhingadlan nga suspetsado gamit ang wala pa mahibaluan nga armas luthang igo sa nawala nga tyan nga amo ang gintunaan sang iya kamatayon.

Sa inisyal nga imbestigasyon sang kapulisan, base sa mga saksi napasibangdan lang si Labinoy nga amo ang kontra sang suspect nga nahibaluan may madugay na nga away.

Palayag ni Dangarang nga dulom ang lugar rason nga lain nga tawo ang naluthangan sang suspect.

Sa karon, padayon pa ang ginapatigayon nga imbestigasyon kag pag pangita sang dugang nga saksi para ma kumpirmar ang identity sg suspect.

What’s your Reaction?
+1
1
+1
0
+1
0
+1
0
+1
0
+1
0
+1
0

PCG NAPAIDALUM SA HEIGHTENED ALERT TUBTOB ABRIL 2, 2024

Nag-augment sa Philippine Coast Guard ang nagkalain lain nga units kaangay sang 618 Auxilliary Squadron, Philippine Marine Reserve kag Maritime Police para magbulig sa pagbantay sa pagsulod kag pag gwa sang mga pasahero sa mga pwerto sa Negros Occidental kag ilabi na sa Bredco kag Banago Port.

Suno kay Commander Paterno Belarmino Jr. umpisa Marso 22 naka heightened alert na sila kag magalawig tubtob Abril 2.

Dugang pa ni Belarmino, amat amat na nga naga damo ang pasahero nga nagabyahe kag ginapaabot nga mas magdamo pa sa masunod nga inadlaw.

Panugyan ni Belarmino sa mga nagabyahe nga magsunod lang sa proper protocol para tayuyon ang lakat sang byahe kag mapabilin nga safe ang tanan nga pasahero. | PCG Photo

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.