KASO SA PAGLUTHANG-PATAY SA PERSONA NGA NAG-“RUN AMOK” SA SIUDAD SANG VICTORIAS, GINA USISA NA SANG INTERNAL AFFAIRS SERVICE SANG POLICE

Share on facebook
Share on google
Share on pinterest
Share on twitter
Share on print

Gina imbestigahan na sang Negros Occidental Police Provincial Office -Internal Affairs Service ukon NOCPPO-IAS ang tatlo ka mga pulis sa syudad sang Victorias may angut sa pagluthang patay sa isa ka persona sa Barangay 6, syudad sang Victorias.

Suno kay Senior inspector Joy Ellaga, Deputy Chief Of Police sang Victorias City PNP, nagkadto subong nga adlaw sa ila opisina ang mga personnel sang IAS agud usisaon sanday PO1 Cristan Palmes, PO2 Loue Jay Loraez kag PO3 Ronilo Maru nga amo ang nagpatunga kay Samuel Palencia samtang nagawala’ ini apang naluthangan sang kapulisan nga nagresulta sang iya kamatayon.

Una diri, nagpangayo sang bulig ang pamilya sa mga otoridad matapos nga nag “run amok” si Palencia.

Apang sa baylo nga magpamati sa kapulisan, gin alegar nga nangin agresibo pa si Palencia kag ginlabu si Palmes apang nasagang sini gamit sang iya M16 armallite rifle.

Agud nga matapna ang malain nga plano ni Palencia, ginluthang siya nanday Loarez kag Maru apang nagresulta ini sang iya kamatayon.

Sa pihak nga bahin, ginpahayag ni Ellaga wala na sang plano nga magpasaka sang kaso ang pamilya ni Palencia matapos nagpirma ini sang Affidavit of Non-Interest.

Si Palencia ang may pending nga warrant of arrest sa kaso nga Murder sa Victorias City PNP.

MORE STORIES:

LIKE US ON FB

error: Ooops... You are not authorized to copy this content.