Nagpatigayon kaina sang aga sang random drug test ang Bacolod City Police Office sa mga Station Commanders, Deputy Police Chief, Station Drug Enforcement Unit ukon SDEU kag City Drug Enforcement Unit ukon CDEU.
Suno kay Police Lt. Col. Lester Leada – Operation Chief sang Bacolod City Police Office regular ang drugtest nga ginahimo sa mga kapulisan sa syuda sang Bacolod.
Ini nga aktibidad ang kabahin sang internal cleansing sang PNP agod mapasiguro nga wala sang adik nga pulis sa organization.
Dugang pa ni Leada ang sin-o man nga magpositibo sa drugtest pasakaan sang kaso administratibo “grave misconduct” kag kaso criminal.
Hatagan sang 60 diyas ang Regional Internal Affairs Service ukon RIAS nga mag inbestigar sa magpositibo sa drug test agod makakas sa serbisyo.
Suno kay Leada, wala naman sang may nagpositibo sa random drugtest nga ginpatigayon nagligad nga bulan. | Aksyon Eric Magbanua