KAPULISAN GINA LANTAW NGA ‘PANGIMON’ ANG MOTIBO SA PAG TIRO SA MAG-UTOD NGA DECARA
Posted by:
News Desk
|
July 25, 2020
at
8:53 pm
Share on facebook
Share on pinterest
Share on twitter
Share on print
Sobra nga luyag kag pagpangimon ang motibo sa natabo nga pagtiro sa mag-utod nga Decara sa Tough Star Engineering Works Gonzaga-Extension Brgy. Taculing syudad sang Bacolod kagab-i, Biernes.
Ini ang nagwa sa inbestigasyon sang Police Station 6 matapos gintiro kag napatay ang mag-utod nga Innie Jane Decara, driver sang Toyota-Revo kag magulang sini nga si Imee Mahilum Decara lunsay pumuloyo sang Purok Kabugwason Brgy. Mansilingan syudad sang Bacolod.
Gintiro ni Alvin Lanza ang mag-utod nga Decara gamit ang Calibre 45 nga armas luthang.
Matapos gintiro ang mag-utod ginbuno man sang suspek ang iya kaugalingon kag padayon ginabulong sa hospital.
Suno kay Police Capt. Elmer Bonilla, hepe sang Police Station 6, indi mabaton ni Lanza nga may bag-o nga nobyo si Innie Jane Decara rason iya ini ginkonprontar kag sa ulihi iya gintiro pati na ang magulang ni Decara. | Aksyon Eric Magbanua
Gina imbestigahan sang syudad sang Bacolod ang gin alegar pag tamper sang resibo nga gin isyu sa violator nga gin isyuhan sang citation ticket sang Bacolod Traffic Authority Office.
Suno kay Jose Antonio Robello, deputy head sang BTAO, 2,300 pesos ang penalidad sang lalaki nga violator bangud nag maneho sang motorsiklo nga wala sang helmet kag driver’s license nagligad nga Abril 18, 2024.
Sa amo nga penalidad, 1,000 pesos ang bayad sa towing, samtang 1,300 pesos sa pag drive nga wala sang helmet kag wala sang lisensya.
Ginpahayag ni Robello, nagbayad ang violator sang 1,300 pesos sa babaye nga cashier sang City Treasurer’s Office nga assign sa BTAO pero gin alegar 300 pesos lamang ang gin encode.
Gin alegar nga ginbutangan sang cashier sang ‘1’ ang resibo para ini ang mangin 1,300 pesos.
Suno kay Robello, sa ila nga pag usisa, 300 lamang ang nagsulod sa system nga bayad bisan 1,300 ang ginbayaran sang violator.
Ang reklamo ang una gin padangat sa Isugid kay Mayor nga programa. Ang cashier nga ginareklamo ang isa ka regular nga empleyado.
Luyag lamang ni Robello nga maklaro nga wala sang BTAO personnel ang imbolbado dire.
Ginklaro sini nga wala sila nagabaton sang kwarta nga bayad sang mga violator kundi naga isyu lamang sang citation ticket.
REAKSYON NI MAYOR ALBEE
Dismayado si Bacolod Mayor Albee Benitez sa nabaton nga reklamo batuk sa cashier sang City Treasurer’s Office nga assign sa BTAO bga gin reklamo nga nag tamper sang resibo.
Sa interview sang media, Myerkules, ginpahayag sang Alkalde, nga atubangon sang regular nga empleyado ang konsekwensya kag ini ang ipaidalum sa due process.
Ginkumpirmar ni Benitez nga gin saylo na ang ginareklamo sa iban nga trabaho kag indi na cashier nga assign sa BTAO. Ginpahayag ni Benitez, indi na sini kinahanglan nga suliton ang iya panindugan batuk sa korapsyon kag posible luyag nila nga may ma ‘sampolan’.
Gina kilala naman sang alkalde ang mga tawo nga nagapangisog nga mag reklamo kontra korapsyon bangud nagapati nga ang pagtinlo sa gobyerno ang indi lamang iya responsibilidad.
Nagpasiguro si Benitez nga iya gilayon aktuhan ang mga ginapadangat nga reklamo.
Ginkumpirmar ni Mayor Albee Benitez nga may yara sang penalidad nga atubangon si BTAO Head Patrick Lacson.
Ini angut sa duha ka mga isyu nga ginapangatubang ni Lacson lakip na ang pagdala sang salakyan sang MABB Cab sa iya balay kag pagkakas sang logo kag ang memorandum nga ginpapanaug angut sa quota system sang mga traffic enforcers.
Sa interview sang media, Myerkules, ginpahayag sang Alkalde, magapungko pa ang City Legal Office kag ang grievance committee kon ano nga konsekwensya ang ipapanaug batuk kay Lacson.
Suno sa Alkalde, magapabilin nga BTAO head si Lacson samtang ginahulat ang tikang sang CLO kag grievance committee.
