KAPULISAN GINA LANTAW NGA LANSIHANAY SA DROGA ANG MOTIBO SA PAGPATAY SA 27 ANYOS NGA LALAKI

Share on facebook
Share on google
Share on pinterest
Share on twitter
Share on print

Lansihanay sa druga ang motibo sa pagtiro kay Nicko Hosain, 27 anyos nga pumuloyo sang Purok Kingfisher A Barangay 16 syudad sang Bacolod.

Nakita ang patay nga lawas ni Hosain sa Purok Boulevard Barangay 13 nga may igo sang tiro sa likod kag naglapos sa ulo.

Basi sa informant ni Police Major Jovil Sedel, hepe sang Police Station 1, nagbakal sang duha ka bulto nga shabu ang costumer sang biktima nga nagasakay sa isa ka van nga nagahulat sa baywalk.

Suno sa informant ni Sedel, nadiskobrihan sang buyer nga tawas kag indi shabu ang ginhatag ni Hosain.

Suno pa sa informant, buot pa agawon ni Hosain ang bag sang costumer nga may unod nga kwarta rason nga ini siya gintiro nga nagresulta sang iya kamatayon. Ginatinguhaan karon sang Police Station 1 nga makilala ang kaupdanan ni Hosain nga nagpalagyo matapos makita nga gintiro ang biktima.

Suno kay Sedel wala sang kaso angut sa droga ang biktima magluwas sa kaso nga robbery sang 2017 kag physical injury sang 2018. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.