KAPITOLYO PROBINSYAL GIN LOCKDOWN SANG LIMA KA ADLAW

Share on facebook
Share on google
Share on pinterest
Share on twitter
Share on print

Gin paidalum sa lockdown ang kapitolyo probinsyal umpisa subong nga adlaw, Agusto 12 tubtob 16.

Sa interview sa Aksyon Hotline, ginpahayag ni Governor Bong Lacson nga tuyo sang closure nga ma-disinfect kag mapaiway ang local transmission.

Suno pa kay Lacson, magluwas sa health service kag DRRMO office, ang tanan nga deparmento magapabilin nga sirado.

Nagsaka sa 11 ka mga empleyado sang gobyerno probinsiyal sang Negros Occidental ang nagpositibo sa Covid-19.

Sa record nga ginpresentar ni Provincial Incident Management Team (PIMT) Spokesperson Chacha Magallanes-Tan, ang nagpositibo amo ang isa ka empleyado assign sa Provincial Health Office, isa ka admin staff kag tatlo ka mga doktor sa Teresita L. Jalandoni Provincial Hospital, Disaster Risk Reduction and Management Office – 1 , Public Information Office – 1 , Sanguniang Panlalawigan (SP) – 1 , Veterenary Office – 1 , Bids and Awards Committee – 1, kag watchman assign sa lobby sang SP.

Gin mando niLacson sa mga empleyado sang gobyerno probinsiyal, ang estrikto nga home quarantine samtang nakapaidalom sa lima ka adlaw nga lockdown.

Sa official statement ni Provincial Health Officer Dr. Ernell Tumimbang, iya ginsiling nga ang hinali nga pagdamo sang Covid-19 infections sa kapitolyo kag sa hospital sang probinsiya sa diin nahamtang ang molecular laboratory, amo ang ila ginbasihan sa pagrekomendar sang lockdown sa provincial capitol agud mapaidalom sa risk assessment kag disinfection. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.