KAPITOLYO GIN PASIDUNGGAN ANG NAG TALIWAN NGA SI ANAY BOARD MEMBER GUANZON

Share on facebook
Share on google
Share on pinterest
Share on twitter
Share on print
(Capitol PIO Photo)

Ginpasidungan sang gobyerno probinsiyal sang Negros Occidental paagi kay Governor Bong Lacson, Vice Gov. Jeffrey Ferrer, Sangguniang Panlalawigan Members, department heads kag employees, si the late Atty. Elvira V. Guanzon.

Ini paagi sa isa ka seremonya nga ginpatigayon sa Provincial Capitol Grounds subong nga adlaw, Hwebes.

Si Guanzon ang nangin board member sang Negros Occidental umpisa 1963 tubtub 1988.

Antis sini, siya ang nailiher man bilang kunsehal kag bise alkalde sang syudad sang Cadiz.

Sang 1986, siya ang nagpanguna sa kampanya ni Corazon Aquino bilang Presidente sa syudad sang Cadiz. Hulyo 11, 2020, sang magtaliwan si Guanzon sa edad nga 95 anyos, bangud sa komplikasyon sang Parkinson’s disease sa Doctors’ Hospital Bacolod City. | Aksyon Marlon Genovea

NUMBER 1 MOST WANTED SANG HPG REGION 6, NADAKPAN

Priso sa Police Station 4 si Carlo Claro, 37 anyos, residente sang Brgy. 20, syudad sang Bacolod matapos gin-aresto sang otoridad sa kaso nga carnapping.

Suno kay Negros Occidental Highway Patrol Group head Police Major Robelito Mariano, si Claro ang ginakabig nga number 1 Regional 6 HPG most wanted person kag responsable sa pagpangawat sang mga motorsiklo sa syudad sang Bacolod kag probinsya.

Dugang pa ni Mariano, nadakpan si Claro paagi sa warrant of arrest nga gin issue sang korte kag may piyansa nga 300,000 pesos. | Aksyon Alvin Grava

GINPASIRA NGA RESORT, NAGAPROSESO NA SANG BUSINESS PERMIT

Nagkuha na sang application form para sa Business Permit ang resort sa Barangay Pahanocoy, syudad sang Bacolod nga damlag lang ginpasira sang Bacolod Emergency Operations Center ukon EOC.

Suno kay Stela Rose Rayos, pamuno sang Permit and Licensing Office, sang Sabado nga adlaw sang nagkuha sang application form ang tag-iya sang resort kag nagpabutyag nga handa sila nga mag-comply sa mga requirement para sa business permit.

Dugang pa ni Rayos, sa tion nga ma-isyuhan na sang permit ang resort, ila pa ini iga-refer sa City Legal Office kag EOC.

Madumduman, una nga nagdepensa ang tagdumalahan sang resort nga ang gin patigayon nga blessing nagligad nga Enero 15 ang gintambungan lamang sang ila mga himata kag pamilya.

Pero sa bahin sang Bacolod EOC, ang resort ang nagpangayo sang permit sa Barangay nga magpatigayon sang blessing pero wala dire nalakip ang pagpatigayon sang foam party.

Sa nahibaluan, naglapta sa social media ang pila ka video clips sang foam party nga gin alegar nagabayolar sa minimum health standard. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.