KAPITAN TIGUELO, MAY PAATHAG ANGOT SA ENCOUNTER

Share on facebook
Share on google
Share on pinterest
Share on twitter
Share on print

Escalante City – Nagpaguwa sang pahayag ang Brgy. kapitan sang Brgy. Washington angut sa natabo nga engkwentro sa tunga sang mga militar kag mga armado nga grupo sa syudad sang Escalante. 

Base sa statement nga ginpagwa ni Brgy.Kapitan Rene Tiguelo, aga pa sang nag padulong sa iya talatapan ang Special Action Force kag militar agud nga pamangkuton ang report nga ila nabaton nga may armado nga mga persona sa puluy-an ni "Elena Yap" Chairperson sang PAMALAKAYA sa amu nga syudad.

 Dugang pa ni Tiguelo ginpatudlo pa sang militar ang puluy-an ni Yap apang sang malapit na sila sa poluy an ni Yap didto nga nag binayluhanay sang lupok ang magtimbang nga bahin. 

Matapos ang pag binayluhanay sang lupok nga nagdugay sang 10 tubtob 15 minutos, gin alegar nga nagpalagyo naman ang mga armado nga grupo rason kon ngaa ginpalibutan sang tropa sang militar kag kapulisan ang kubo-kubo kag puluy-an ni Yap kag ginsulod sang mga militar ang kubo didto nakita nga posible madamo ang naga istar bangud nakita pa sang mga militar ang dalagko nga mga kaldero kag pila ka mga kagamitan. 

Apang ginpanginwala ni Yap kag gin alegar nga tiyo sini ang naga istar sa amo nga kubo-kubo kag apat ka adlaw na ang nakaligad sang nag halin ini. 

Dugang pa sang kapitan matapos ang pila ka minutos nga negosasyon kay Yap, gin buksan sini ang iya puluy-an kag nahibaloan nga may mga tawo sa sulod kag sang ginverify sang mga militar nga ang naga istar gina alegar suspetsado sa Sagay 9 massacre, pila ka mga witnesses kag yara man didto ang nagpakilala nga lolo kag lola sang menor de edad nga nakaluwas sa massacre. 

Suno kay Col. Benedict Arevalo, commander sang 303rd Infantry Brigade sang Philippine Army, paagi sa statement nga ginpagwa sang Brgy kapitan, isa ini ka pamatuod nga kabutigan lang ang gina hambal sang pila ka mga grupo nga wala sang engkwentrohanay nga natabo sa amo nga lugar. 

Na rekober man sa lugar ang isa ka M16 rifle, isa ka kalibre .45 pistola kag mga bala, subersibo nga dokumento kag iban pa nga mga kagamitan.

MORE STORIES:

LIKE US ON FB

error: Ooops... You are not authorized to copy this content.