MENU

KAPITAN SANG RUMIRANG, ISABELA GINPANGINWALA NGA SIYA ANG NAGSUGO SA PAGBALIGYA SANG MGA KARABAW NGA GINHATAG SANG DOLE

  • at 9:34 pm
Share on facebook
Share on pinterest
Share on twitter
Share on print

Hugot nga ginapanginwala sang Kapitan sang Barangay Rumirang, sa banwa sang Isabela nga siya ang nagsugo nga ibaligya ang karabaw nga ginhatag sang Department of Labor and Employment (DOLE).

Sa interview sa Aksyon Firing Line kaupod ni Aksyon Bryan Morden, emosyunal nga ginsaysay ni Kapitan Manashie Bico ang ginhimo nga pagbaligya sa diin, iya na lamang nahibaluan sang ginhatag na sa iya ang dokumento agod pirmahan nga ang karabaw nabaligya na.

Suno kay Bico, ang Hacienda Rumirang Proper Farm Workers Association amo ang nagbaligya sang lima ka karabaw balor 106,000 pesos sa rason nga wala na sang palawigan.

Aminado si Bico nga antes pa ginbaligya ang mga karabaw, una niya ginmando nga ipakwa ang mga sapat sa ginalawigan nga nahamtang sa atubang mismo sang eskwelahan nga ginakabig sini nga indi maayo nga talan-awon sa mga nagalabay tungod man sa mga higko nga nagalapta.

Sa pihak nga bahin, ginkumpirmar naman sang treasurer sang asosasyon nga si Jose Jolo Dablo nga ulihe na nga nakahibalo si Kapitan Bico kag ang ila pagbaligya sang mga karabaw wala sang permiso sa DOLE. | Aksyon Ann Defensor

What’s your Reaction?
+1
0
+1
0
+1
0
+1
0
+1
0
+1
0
+1
0

CELL NO. 4 PAGATUKURON SA LANDFILL SANG BACOLOD

April 18, 2024

Magatukod ang syudad sang Bacolod sang sanitary landfill cell no. 4 sa Barangay Felisa, syudad sang Bacolod.

Ginkumpirmar ni Councilor Jude Thaddeus Sayson, chair sang committee on finance and appropriation, 59.2 milyones pesos ang pondo sa konstruksyon sang cell no. 4 sa propedad nga bag-o nga ginbakal sang LGU.

Ang IPM-Construction and Development Corporation amo ang magatukod sang cell no. 4.

Ginpahayag sang Konsehal, ginapaabot sini nga maglawig ang pag usar sang syudad sang cell no. 4 bangud may mga recycling facility nga pagatukuron sa amo man nga lugar.

Ginalantaw ni Sayson nga mapangitaan sang paagi sang syudad ang cell no. 1, 2, 3 nga posible pwede ma convert bilang isa ka park.

Samtang, magapabilin nga ang IPM-CDC ang maga dumala kag operate sang sanitary landfill sa syudad balor 63.9 milyones pesos halin Mayo 1, 2024 tubtob Disyembre 2024.

Nagdangat sa kabug-usan nga 123.2 milyones pesos ang pondo para sa cell no. 4 kag maintenance snag landfill.

Myerkules sang hapon, Abril 17, sang na ratify sang konseho ang mga kontrata.

What’s your Reaction?
+1
0
+1
0
+1
0
+1
0
+1
0
+1
0
+1
0

20K NGA CASH GINALEGAR NAKUHA SA AHENTE NGA NA HOLDAP SA MURCIA

April 18, 2024

Nagdangat sa 20,000 pesos nga cash ukon koleksyon sang isa ka ahente ang nakuha matapos gin-alegar ginhold-up sa Brgy. San Miguel, banwa sang Murcia, Abril 17.

Ginkilala ang ahente nga si Kenneth Poblacion, 30 anyos kag residente sa syudad sang Silay.

Suno kay Police Major Marc Joel Reclamado, hepe sang Murcia PNP, ginpahayag sang ahente nga ginpalapitan ini sang tatlo ka persona nga nagasakay sa sports nga motorsiklo kag nagdeklarar sang hold-up.

Gilayon man ginhatag ni Kenneth ang bag sini nga may unod sang kwarta.

Base sa pagpamangkot sang kapulisan sa mga tag-iya sang tyanggi, wala man ang mga ini sang ideya angut sa insidente bangud wala man nakapangayo sang bulig ang biktima.

Sa karon padayon pa ang imbestigasyon sang kapulisan angut sa natabo.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.