KAPITAN SANG BRGY. ESTEFANIA NAGKUMPIRMAR, GRUPO SANG KABATAAN NGA NATIRUHAN, MAY RECORD NGA NAGAPANGAWAT

Share on facebook
Share on google
Share on pinterest
Share on twitter
Share on print
Ginkumpirmar ni Barangay Estefania Kapitan Jerry Tingson nga may record sa ila Barangay nga nagapangawat ang grupo sang kabataan nga ginpangluthang sa Celine Homes Subdivision sadtong Sabado sang tungang gab-i, sa diin patay diri si Regie John Semillano kag pilason si Dominic Espinosa. Suno kay Tingson, ang iban sa ila makapila na ka beses nga nadakpan sang Barangay kag ginturn-over sa Social Development Center, apang nakaguwa man gihapon. Dugang pa ni Tingson, ang amo nga grupo sang kabataan ang halin sa iya Barangay kag sa Brgy. Villamonte diri sa Bacolod. Ang natapay posible bag-o lamang na-recruit sang grupo bangud wala pa ini nadala sa dakpanay sang nagliligad. Ginakabig man ni Tingson nga delikado ang ini nga grupo sang kabataan tungod may dala sila armas luthang, rasun nga nabudlayan man ang mga Barangay Tanod sa pagdakop sa ila. Apang sa pihak nga may mga sala’ ang kabataan, nagalaum si Tingson nga mahatagan hustisya ang kamatayon ni Semillano. Samtang, padayon man nga hugot nga ginapatuman ang curfew for minors sa amo nga Barangay.

MORE STORIES:

LIKE US ON FB

error: Ooops... You are not authorized to copy this content.