KAPITAN SANG BARANGAY SAN JOSE, SIPALAY NAG KLARO NGA WALA SANG LOCKDOWN SA ILA BARANGAY

Share on facebook
Share on google
Share on pinterest
Share on twitter
Share on print

Ginklaro ni Barangay San Jose Sipalay kapitan Marlon Canillo Sr. nga wala sang lockdown sa ila barangay, kundi strict home quarantine lamang sa 15 ka mga panimalay.

Ini ang ginpahayag ni Canillo sa interview sang Aksyon Radyo Bacolod, may kaangtanan sa post sang facebook page nga LGU of Sipalay City, angot sa official statement sa lockdown sa San Jose.

Suno sa kapitan, Covid-19 suspect case lamang ang pagkabig sa 75 anyos nga residente sang Jose Miguel Village Brgy. San Jose, kag wala pa sang resulta ang swab testing.

Dugang pa ni Canillo, ginpangabay lamang nga mag home quarantine ang 15 ka mga panimalay sa lugar sang pasyente, sa sulod sang 14 ka adlaw.
Setyembre 17, 2020, sang gin stroke ang pasyente gani gindala sa hospital sa syudad sang Bacolod.

Nagapati ang kapitan nga gin-atake lamang ang pasyente, bangud ini ang madugay na nga nagabatyag sang balatian, sang wala pa ang Covid-19. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.