KAPITAN MIJARES WALA NAGA KOMPORME SA BUDGET PROPOSAL NGA 232K PARA SA PAGKAON SANG MAGA BULIG SA SAP DISTRIBUTION

Share on facebook
Share on google
Share on pinterest
Share on twitter
Share on print

Nag lapta sa social media ang “budget proposal” nga 232,050 pesos para sa tatlo ka adlaw nga pagkaon sang maga bulig panagtag sang ikaduha nga tranche sang Social Amelioration Program ukon SAP sa Barangay Banago.

Makita sa proposal ang mga pagkaon kaangay sang lechon, manok, lamas, pasayan, bangrus, bottled water, softdrinks kag iban pa para sa mga maga bulig sa paghatag sang ayuda umpisa Hunyo 24 tubtob 26.

Ginabasol ni Barangay Banago Captain Ricky Mijares kay Kagawad Arlo Acebedo Jr. ang natabo nga paglapta sa social media sang amo nga proposal sang Barangay nga wala pa niya sang pirma.

Sa interview sa Aksyon Firing Line, ginpahayag ni Mijares nga wala siya nagakomporme sa nasambit nga proposal kag wala ini nanami-an tungod nga wala nagsunod si Acebedo sa pangabay nga kon mahimo indi ini pag i-post sa social media ilabi pa nga proposal pa lamang ang tanan.

Suno pa kay Mijares, wala pa sini nakita ang opisyal nga proposal tungod wala pa ini nakalab-ot sa iya opisina para sa revision kag iya pirma.

Samtang, ginakabig ni Mijares nga pamulitika ang ginahimo ni Acebedo.

Sa Facebook post ni Acebedo, iya ginpahayag nga ini ang plastar sa session sang Barangay Council sang Hunyo 22, lakip na ang budget proposal angut sa pagkaon sa sulod sang tatlo ka adlaw.

Suno kay Acebedo, iya lamang gina palab-ot sa pumuluyo ang insakto nga impormasyon.

MORE STORIES:

LIKE US ON FB

error: Ooops... You are not authorized to copy this content.