KAPITAN KAG LIMA KA IBAN SA BRGY. DSB, PONTEVEDRA, GIN PASAKAAN KASO ANGUT SA SAP

Share on facebook
Share on google
Share on pinterest
Share on twitter
Share on print

Gin pasakaan sang kaso sang CIDG Negros Occidental ang duha ka mga elected officials kag apat ka mga empleyado sang Barangay DSB, banwa sang Pontevedra may angut sa gin-aligar anomaliya sa tagtaganay sang ayuda sa idalom sang Social Amelioration Program (SAP).

Suno kay CIDG-Negros Occidental Chief Police Lt. Col. Anthony Gantang, tatlo ka mga persona ang personal ang nagreklamo nga gin alegar may mga benipesyaryo sang SAP nga may ikasarang apang nakabaton sang ayuda.

Kaso nga paglapas sa Republic Act 3019 ukon Anti-Graft and Corrupt Practices Act kag RA11469 ukon Bayanihan Act ang ginpasaka batuk sa mga sanday Punong Barangay Willy Fernandez Palermo, Barangay Kagawad Bandon Berdan, Barangay Treasurer Jinky Pobresa, Barangay Health Worker Virginia Zamora, Barangay Nutrition Scholar Jinky Samulde kag Child Development Worker Mary Grace Eslabon.

Pagpaathag ni Gantang, sa Ombudsman naman ipasaka ang dugang nga kaso nga paglapas sa Republic Act 6713 ukon ang Code of Ethical Standard of Public Official batuk sa duha ka mga elected officials sang Barangay DSB.

Ini na ang ika lima nga kaso may angut sa tagtaganay sang SAP ng ginpasaka sang CIDG-Negros Occidental.

Samtang, duha ka mga kaso ang natalana nga ipasaka sini nga semana sang CIDG-Bacolod Field Unit batuk sa duha mga opisyales sang duha ka mga barangay sa syudad sang Bacolod. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.