SECTIONS

KAPITAN DEXTER YAP, NAG TALIWAN

  • at 7:19 pm
Share on facebook
Share on google
Share on pinterest
Share on twitter
Share on print
(Jhong JB FB Photo)

Nagtaliwan si Punong Barangay Dexter Yap sang Barangay 10, sa isa ka hospital sa syudad sang Bacolod kaina sang udto, Lunes.

Suno kay Liga ng mga Barangay President kag Councilor Lady Gles Gonzales, ini nga impormasyon ang gin palab-ot sa iya sang Barangay secretary sang Barangay 10.

Dugang pa ni Gonzales, iya pa sa karon gina hulat ang opisyal nga palayag sang Pamilya sa kabangdanan sang kamatayon sang Kapitan.

Gina kilala ni Gonzales ang mga maayo nga nahimuan kag contribution ni Yap sa iya Barangay, sa Liga ng mga Barangay kag kooperasyon nga gina pakita sa kampanya sang Bacolod kag gobyerno nasyunal.

Suno kay Gonzales, bisan may gina batyag si Yap naga tambong guid ini sa mga pagsinapol sang Liga nga mga Barangay tubtob nga matapos.

Nag palab-ot sang pakig-unong si Gonzales kag ang Liga ng mga Barangay sa Pamilya Yap.

BABAYE PILASON SANG GINBUNO SANG LIMA KA BESES

January 18, 2021

Nakaangkon sang lima ka pilas ang isa ka babaye matapos ginbuno sa President Osmena Street, Don Juan Subdivision, Barangay 2, Syudad sang San Carlos.

Ang biktima ginkilala kay Angelou Olavia, 27 anyos, dalaga kag nagapuyo sa amo man nga lugar.

Base sang imbestigasyon sang San Carlos PNP, nagsulod sa compound sang boardinghouse ni Olavia ang wala makilala nga suspetsado kag sang ginpamangkot ini hinali lang siya nga gintapungol kag ginbuno.

Suno kay Olavia, mahimo sini makilala ang suspetsado kun liwat nga makit-an.

Padayon ginabulong sa hospital ang biktima kag gina-imbestigahan pa sang tul-id ang motibo sang pagbuno. | Aksyon Bryan Morden

MAAKOMODAR SA BOSS NAGSAKA SA 500 KADA ADLAW

January 18, 2021

Nagsaka na sa 500 ka mga tawo ang ma akomodar sang Bacolod Permits and Licensing Office (PLO) sa nagapadayon nga Business One Stop Shop sa Ayala Malls Capitol Central.

Suno kay Stela Rose Rayos, pamuno sang PLO, nagligad nga Enero 11 sang ila ginpasakaan ang numero sang mga kliyente nga nagaproseso sang business permit humalin sa 300 pakadto sa 500.

Dugang pa ni Rayos, sa karon, wala sang mga mayor nga reklamo nga nabaton ang ila talatapan sa nagapadayon nga aktibidad.

Nagpasiguro man si Rayos nga istrikto man nga ginamonitor ang attendance sang mga Barangay sa BOSS para sa pagisyu sang Barangay Clearance.

Tinalikdan nga Biernes, may pito ka mga Barangay nga wala sang tiglawas sa BOSS.

Nagapakita man sa datus sang PLO, nga mas madamo ang nagapa appointment walk-in sa Ayala Mall kag Bacolod Government Center ikomparar sa Online.

May yara na sang 10, 750 ang narehistro nga Negosyo sa Bacolod tubtob Enero 15.

Ang BOSS ang magalawig tubtob Marso 31, 2021. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.