MENU

KAPIN 350 KA MGA PRESO NATALANA NGA I-REMIT SA BJMP FACILITY SA DISYEMBRE 8

  • at 5:36 pm
Share on facebook
Share on pinterest
Share on twitter
Share on print

Bulubanta 350 tubtob 400 ka mga priso ang natalana i-commit sa Bureau of Jail Management and Penology facility sa Disyembre 8.

Suno kay JSSUPT Gilbert Peremne, Deputy Regional Director for Operations, ikumparar sa una nga schedule of commitment sadtong Nobyembre 13, ila ginapaabot nga mas madamo sa Disyembre 8 bangud ma kompleto na ang mga dokumento sang mga priso nga wala nabaton sa una nga schedule.

Dugang pa ni Peremne, istrikto nga ila ginapatuman nga kon wala sang RT-PCR swab test result nga negatibo, 14 ka adlaw dapat nga naka quarantine ang priso sa tagsa ka police stations antes isaylo sa pasilidad sang BJMP.

Ginpalayag man ni Peremne nga indi ma apektuhan ang ila schedule sang commitment sa mga priso sa pihak nga may 10 ka mga detainee sa Sagay City PNP ang nagpositibo sa virus. Natalana man ang masunod nga commitment sa katapusan nga semana sang Disyembre ukon una nga semana sa bulan sang Enero masunod nga tuig. | Aksyon Eden Aboso

What’s your Reaction?
+1
0
+1
0
+1
0
+1
0
+1
0
+1
0
+1
0

COUNCILOR FLOR, GINAPANGABAY SI MAYOR ALBEE NGA MAGPA RE-ELECT BANGUD WALA PA MATAPOS ANG IYA MGA PROGRAMA

April 17, 2024

Ginpahayag sang duha ka mga konsehal sa syudad sang Bacolod nga wala matalakay ang 2025 elections sa paglakat sang mga kapitan sa HongKong kag Macau.

Ini suno kay Councilors Jason Villarosa kag Celia Flor.

Liwat nga ginpahayag ni Villarosa nga personal ang lakat sang mga kapitan kaupod ang Alkalde. Ginkumpirmar ni Villarosa nga wala nakaupod si Congressman Greg Gasataya samtang may pila ka kapitan ang wala maka upod bangud sa problema sa passport kag iban ang wala naka preparar.

Suno kay Flor, timprano pa nga istoryahan ang eleksyon para sa 2025.

Ginapangabay ni Flor si Mayor Albee Benitez nga mag pa re-elect bangud madamo pa ini sang proyekto nga wala pa matapos.

Luyag ni Flor nga matapos ni Benitez ang mga prayoridad nga mga programa ilabi na ang iya mga ginpromisa sa Bacolodnon.

What’s your Reaction?
+1
0
+1
0
+1
0
+1
0
+1
0
+1
0
+1
0

LAPSAG, PATAY BANGUD SA GINAPATIHAN PERTUSSIS

April 17, 2024

Patay ang duha ka bulan nga bata nga lalaki sa Negros Occidental bangud sa ginasuspetsuhan nga pertussis disease.

Suno kay Provincial Health Officer Dr. Ma. Girlie Pinongan, ang pasyente ang taga-Northern Negros kag napatay sa hospital kagab-i lamang, Martes.

Dugang pa ni Pinongan, lunsay mga sintomas sang pertussis ang ginbatyag sang bata apang ginahulat pa ang resulta sa specimen nga ginpaidalom sa laboratory examination sa Research Institute for Tropical Medicine (RITM).

Sa kabug-usan may 39 na ka mga pertussis related cases ang narekord sa Negros Occidental, sa diin walo ang kompirmado, trese (13) ang negatibo kag dyesiotso (18) ang probable.

Una nga napatay sa pertussis disease ang isa ka bulan nga bata nga babaye.

Pito ka mga local government units sa Negros Occidental ang may kompirmado nga kaso sang pertussis disease.

Sa rekord sang Provincial Health Office – Negros Occidental Health Surveillance System, ang pito amo ang Victorias, Cauayan, Silay, Cadiz, Hinobaan, Murcia, kag EB Magalona.

Pinakadamo nga kaso amo ang Murcia nga may duha, kag nakarekord man sang isa ka napatay.

Kalabanan sa mga pasyente nga nagpositibo sa pertussis amo ang mga kabataan nga nagaedad zero tubtub siyam ka bulan.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.