KAPIN 300 KA SWAB RESULTS SANG BACOLODNON LSIs PENDING PA

Share on facebook
Share on google
Share on pinterest
Share on twitter
Share on print

Preparado na ang syudad sang Bacolod sa pagbaton sa mga Locally Stranded Individual ukon LSIs nga maga puli sa tion nga ma lift na ang suspension sang LSI trips.

Suno kay Councilor Cindy Rojas, chair sang Action Team on Returning Non-OFW residents, sa karon may kapin 100 ka mga LSIs gikan Cebu kag kapin 100 man nga LSIs gikan Metro Manila ang nag pakigangut sa iya talatapan sa tuyo nga makapuli sa Bacolod.

Isa karon sa problema nga gina lantaw ni Rojas amo ang delay nga pagwa sang resulta sang RT-PCR Test sang kapin 300 pa ka mga LSIs nga naga pabilin sa quarantine centers sang syudad.

Suno kay Rojas, ang ini nga mga LSIs ang gin kuhaan sang swab specimen sa katapusan nga semana sang Hunyo pero tubtob karon wala pa ang resulta sang test gikan sa Western Visayas Medical Center sa Iloilo kag Teresita Jalandoni Provincial Hospital sa Silay City.

Naga laum si Rojas nga subong nga semana magwa na ang pending nga mga test results para ma clear ang mga quarantine centers sang syudad kag maka patigayon sang disinfection. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.