KAPIN 30 KA TAWO NGA GIN ALEGAR NAGA INOM KAG NAGA BAYLE SA ART DISTRICT GIN SAWAY SANG KAPULISAN; BCPO NAGA PATIGAYON SANG IMBESTIGASYON

Share on facebook
Share on pinterest
Share on twitter
Share on print

Kapin 30 tubtob 40 ka mga pamatan-on ang na aktuhan nga naga ‘bayle-bayle’ kag gin alegar naga inom sa Art District, sa Barangay Mandalagan, syudad sang Bacolod Biernes sang gab-i, Nobiembre 6.

Ini ang gin kumpirmar ni Lt. Col. Ariel Pico, spokesman sang Bacolod City Police Office (BCPO), matapos nga gin palambot sa iya ang insidente ni Captain Richard Pajarito, hepe sang Police Station 3.

Sa interview sang Aksyon Firing Line, gin pahayag ni Pico, base sa palayag ni Pajarito, may yara sang concerned citizen ang nag reklamo angut sa aktibidad nga gina dilian sa idalum sang general community quarantine.

Suno kay Pico, wala pa niya nakita ang actual video sang insidente pero na aktuhan sang kapulisan ang bayle-bayle nga kalabanan dire mga pamatan-on.

Sa separado nga interview, ginkumpirmar ni Fajarito nga nakit-an ang mga tumalambong nga naga-inum sang makahulubog nga ilimnon.

Ginsaway sang kapulisan ang mga naga-ininum kag ginpahanumduman ang tag-iya sang mga establisamento nga ginadumilian ang pagpatigayon sang drinking session sa pampubliko nga lugar karun nga GCQ ang Bacolod.

Naga-apelar karun si Fajarito sa mga negosyante nga sundon ang mga health protocol nga ginapatuman sang gobyerno agud malikawan ang paglapta sang COVID-19.

Ang Police Station 3 ang nag pahamtang na sang pulis sa area kag gin refer sang BCPO ang insidente sa Bacolod City Legal Office angut sa posible bayolasyon nga nakomiter.

Gina lantaw ni Pico, ang ini nga insidente ang posible mangin ground para ma kanselar ang business permit sang establisamento.

Nag panugyan si Pico sa publiko nga yara sa gihapon ang pamahog sang Covid-19 kag dapat mag sunod sa mga protocol nga gina patuman sang gobyerno.

Sa nahibaluan, pwede ang pag bakal sang ilimnon sa Bacolod sa idalum sang GCQ status umpisa las 12 sang udto tubob las 6 sang gab-i pero dapat mag inom lamang sa pribado nga lugar.

Ang insidente ang naglab-ot na sa Department of the Interior and Local Government (DILG)-Western Visayas.

Samtang, gin pahayag ni Vice Mayor El Cid Familiaran, chair sang Bacolod IATF, gina imbestigahan na karon sang Bacolod City Police Office ang insidente.

Na obserbaran ni Familiaran nga may mga massage spa nga naga tanyag sang full-body massage ang naga operar apiesar nga gina dilian pa/

Suno sa Bise-alkalde, madamo pa sa naga bayolar sa Bacolod kaangay sang basketball sa Barangay kag naga panahor nga wala naga tuman sang social distancing.

Liwat nga nanawagan si Familiaran sang kooperasyon sang tanan bangud ang problema sa Covid-19 indi lamang problema sang mga opisyal kundi problema sang tanan.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.