Ginkumpirmar ni Jade Marquez-Seballos, Media Relations Officer sang Vallacar Transit Inc. nga may kapin 20 ka mga driver kag konduktor nga nagabyahe pa Victorias ang nag-untat sang ila byahe bilang pagprotesta.
Suno kay Seballos, wala sang dapat ikahangawa ang mga pasahero bangud madamo man sila sang units nga mahimo ibulos sa mga nag-untat sang ila pagbyahe.
Dugang pa, ang insakto gid kuntani nga proseso amo ang pagpalambot sang ila mga problema kag pangabay sa ila mga union officers nga amo ang may responsibilidad nga magpabalo sa management.
Pangabay ni Seballos, nga pungku-an kag istoryahan sang inasakto ang nasambit nga problema agud mahatagan sang resolusyon. | Aksyon Eden Aboso
