KAPIN 11,000 KA MGA SAP BENEFICIARIES SA BACOLOD MAKABATON SANG SECOND TRANCHE UMPISA BWAS

Share on facebook
Share on google
Share on pinterest
Share on twitter
Share on print

Makabaton sang 6,000 pesos nga ayuda ang ika-duha nga batch sang mga benipesyaryo sa 2nd tranche sang Social Amelioration Program (SAP) sa syudad sang Bacolod sumugod bwas nga adlaw, Setyembre 2, 2020.

Suno kay Department of Social Services and Development (DSSD) Head Pacita Tero, masobra 11,000 ka mga benipesyaryo sang SAP sa syudad ang makabaton sang ayuda sumugod bwas nga adlaw Setyembre 2 tubtob Setyembre 5.

Ginpahayag ni Tero nga kalabanan nga makabaton sang ayuda amo ang mga nagparehistro sa National Telecommunication Commission (NTC) Relief Agad pinaagi sa text message apang ginpaathag sini nga indi tanan nga nagparehistro sa NTC ang makabaton sang ayuda bangud gin-validate pa ini sang mga otoridad.

Ginklaro ni Tero ang mga wala nakabaton sa first tranche sang tagtaganay apang nagparehistro sa NTC para kun tani makabaton sang ayuda sa 2nd tranche ang indi makabaton sang ayuda.

Ang mga benepisyaryo ang ginpahibalo nga mahimo na makuha ang ila ayuda pinaagi sa text message.

Suno pa kay Tero, ang wala makabaton sang text apang ang ngalan nalakip sa listahan sang mga benepesyaryo, ang mahimo makapadulong sa tagsa nila ka mga barangay hall agud mahatagan sang reference number.

Ang mga benepesyaryo nga sala ang spelling sang ila nga ngalan kag sala ang nabutang nga birthday sa pagrehistro ang nagakadapat nga magpadulong sa ila barangay hall agud ipa-validate.

Nagakadapat nga personal nga magkuha sang ayuda sa mga partner remittance centers sang gobyerno ang benepesyaryo apang kun ini vulnerable kaangay na lamang sang mga senior citizens kinahanglan nga gilayon magpakig-angut sa barangay para sa nagakaigo nga tikang.

Nahibaloan nga sa una nga batch nahatagan sang ayuda ang masobra 75 mil ka mga benepesyaryo sa syudad sang Bacolod kag karun nagapadayon pa ang downloading para sa 3rd batch sang mga benepesyaryo sa 2nd tranche sang tagtaganay sang SAP. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.