KAPIN 10 KA MGA GIN ALEGAR NPA NADAKPAN SA GUIHULNGAN CITY

Share on facebook
Share on google
Share on pinterest
Share on twitter
Share on print

Nagkaladakpan ang indi magnubo sa napulo ka gin-alegar miyembro sang New People’s Army ukon NPA sa Barangay Buenavista, Syudad sang Guihulngan sadtong Domingo sang kaagahon, Septembre 20.

Suno kay 303rd Infantry Brigade Commander Col. Inocencio Pasaporte, ang duha sa mga ini ginakabig nga may rango sa Central Negros 1 sang NPA.

Sila amo sansay Nona Espinosa”alyas Jelay” nga amo ang front secretary kag Adidas Azero “Baldo” ginakabig naman nga deputy operational command sang rebelde.

Dugang ni Pasaporte, si Espinosa may pending nga mga warrant of arrest sa nagkalain-lain nga kaso.

Palayag pa sang Commander, nakabaton sila sang report halin sa pumoloyo sa presensiya sang NPA sa amo nga Barangay kag naabtan sang otoridad ang mga ini sa isa ka puloy-an.

Nakumpiskar sa puder sang mga suspetsado ang mga armas kaangay sang, apat ka kalibre 45, isa ka gloc pistol, isa ka 357 revolver, duha ka granda, mga bulong, passbook kag subversibo nga mga dokumento.

Ang operasyon ginpatigayon sang gintingub nga pwersa sang 62nd Philippine Army, Special Action Force kag Guihulngan City PNP. Karun sini padayon pa ang inventory sang otoridad sa dugang pa nga impormasyon. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.