KAPIN 10 KA BALAY GIN-SEALED OFF SA APAT KA LUGAR SA BRGY ESTEFANIA

Share on facebook
Share on google
Share on pinterest
Share on twitter
Share on print

Kapin 10 ka mga balay sa apat ka separado nga lugar sa Brgy. Estefania, syudad sang Bacolod ang gin sealed-off matapos nga may apat nga nag positibo sa Covid-19.

Sa interview sang Aksyon Radyo, gin pahayag ni Kapitan Jerry Tingson sang Brgy. Estefania, ang apat nga nag positibo ang mga empleyado sang Office of the Senior Citizen Affairs ukon close-contact sa utility worker sang GSO nga nag positibo sa virus.

Suno kay Tingson, tatlo sa mga lugar sang nag positibo ang yara sa subdivision lakip na sa Greensville I, City Ville, Villa Estefania kag Purok Villa Mar.

Dugang pa ni Tingson, diotay lamang nga pamalay ang gin sealed-off kasunod nga kalabanan sa mga ini ang gated kag yara sa subdivision.

Ang mga nag positibo ang nakuha na sang syudad kag gin saylo sa quarantine facility sang syudad samtang padayun ang contact tracing sang otoridad. | Aksyon Dale Salazar

MORE STORIES:

ANU ANG IMO MA KOMENTO?