MENU

KAMPO NI FRANCIS CABUGA, NANINDUGAN ANGUT SA ILA TIKANG SA METRO INN HOTEL

  • at 8:23 pm
Share on facebook
Share on pinterest
Share on twitter
Share on print

Bacolod City – Ginakinahanglan nga ipadalom sa audit bangud gin alegar nga indi maayo nga pagpalakat sang hotel.

Ini ang rason nga ginpahayag ni Francis Cabuga kon nga a nagdesisyon nga i-take over ang Metro Inn.

Suno kay Cabuga, legal ang ila ginhimo bangod siya ang may pinakadaku nga share sang Mushroom Development and Realty Corporation sa diin ang Metro Inn Hotel, isa lamang sa madamo sini nga mga negosyo.

Ginpanginwala man ni Cabuga ang alegasyon nga may hostage taking nga natabo kag ang presensya sang armado nga grupo sa baylo, ginsunod nila ang husto nga proseso.

Ginpaathag pa sini nga antes pa lamang nila gin take over ang Metro Inn, una na ini nagpabalo sa otoridad kag ginpabalo man si Bacolod City Police Office City Director Senior Supt. Francisco Ebreo.

Nagpangayo man sang pasaylo si Cabuga sa mga negosyante kag mga pomoloyo nga nagalabay sa 6th street nga tuman nga naapektuhan matapos ginsarado sang mga kapulisan ang amo nga dalan.

What’s your Reaction?
+1
0
+1
0
+1
0
+1
0
+1
0
+1
0
+1
0

CAUAYAN MAY PINAKADAKU NGA HALIT SANG EL NIÑO

April 18, 2024

26 sa 31 ka mga banwa kag syudad sa Negros Occidental ang apektado sang el niño phenomenon.

Sa datos nga ginsumiter ni OIC-Provincial Agriculturist Dina A. Genzola kay Governor Bong Lacson napetsahan Abril 17, 2024, may P184.7 milyones pesos na ang kabug-usan nga balor sa kahalitan sa mga humayan kag maisan.

Pinakadaku nga kahalitan sa humayan ang narekord sa Cauayan nga may P67.8 milyones pesos, kag Kabankalan nga may P41.9 milyones pesos.

Samtang sa mga maisan, pinadaku nga ginhalitan sang el niño ang 83.2 hektarya sa banwa sang Calatrava balor P3.8 milyones pesos.

Nagligad nga Lunes nagdeklarar sang state of calamity ang San Enrique, Negros Occidental bangud sa daku nga kahalitan sang el niño sa banwa.

What’s your Reaction?
+1
0
+1
0
+1
0
+1
0
+1
0
+1
0
+1
0

CELL NO. 4 PAGATUKURON SA LANDFILL SANG BACOLOD

April 18, 2024

Magatukod ang syudad sang Bacolod sang sanitary landfill cell no. 4 sa Barangay Felisa, syudad sang Bacolod.

Ginkumpirmar ni Councilor Jude Thaddeus Sayson, chair sang committee on finance and appropriation, 59.2 milyones pesos ang pondo sa konstruksyon sang cell no. 4 sa propedad nga bag-o nga ginbakal sang LGU.

Ang IPM-Construction and Development Corporation amo ang magatukod sang cell no. 4.

Ginpahayag sang Konsehal, ginapaabot sini nga maglawig ang pag usar sang syudad sang cell no. 4 bangud may mga recycling facility nga pagatukuron sa amo man nga lugar.

Ginalantaw ni Sayson nga mapangitaan sang paagi sang syudad ang cell no. 1, 2, 3 nga posible pwede ma convert bilang isa ka park.

Samtang, magapabilin nga ang IPM-CDC ang maga dumala kag operate sang sanitary landfill sa syudad balor 63.9 milyones pesos halin Mayo 1, 2024 tubtob Disyembre 2024.

Nagdangat sa kabug-usan nga 123.2 milyones pesos ang pondo para sa cell no. 4 kag maintenance snag landfill.

Myerkules sang hapon, Abril 17, sang na ratify sang konseho ang mga kontrata.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.