MENU

KAMPANYA KONTRA KOLUROM, MAS PA GINPABAKOD SA BRGY. SUM AG

  • at 9:26 pm
Share on facebook
Share on pinterest
Share on twitter
Share on print

Ginpabakod pa sang police station 9 ang ila kampanya batok sa mga kolurom nga trisikol kag motorsiklo nga nagabyahe nga wala sang dokumento.

Kasunod ini sang mando ni Acting Bacolod City Police Office Director Senior Supt. Francisco Ebreo.

Suno kay Senior Inspector Jun Rey Batadlan, hepe sang police station 9, 125 ka mga kolurom nga trisikol ang ila nadakpan nga naglapas sang R.A. 4136-193 kag 31 ka riding in tandem nga naglapas sa C.O. 753-6.

Suno pa kay Batadlan, madamo ang nabaton nila nga reklamo halin sa lehitimo nga trisikol driver batok sa mga kolurom nga trisikol sa Barangay Sum-ag.

Dugang pa ni Batadlan, madamo naman ang indi komporme sa ginahimo sang kapulisan nga pagpanakop sang ilegal nga trisikol kag motorsiklo bangod sang istrikto nila nga pagpatuman.

What’s your Reaction?
+1
0
+1
0
+1
0
+1
0
+1
0
+1
0
+1
0

TRICYCLE DRIVER, PATAY SANG GINTIRO SA BARANGAY CABUG

April 25, 2024

Dead on arrival sa Corazon Locsin Montelibano Memorial Regional Hospital ang isa ka tricycle driver matapos ginluthang sa sulod sang Deca Homes Subdivision, Barangay Cabug, syudad sang Bacolod, alas 4:11 sang hapon, Hwebes, Abril 25.

Ang biktima ginkilala kay Teresito Gepelga, 56 anyos residente sang Block 67, Deca Homes, Brgy. Cabug.

Sa inisyal nga pagpangusisa ni Police Captain Michael Tuburan, hepe sang police station 9, nagaparking si Gepelga sa kilid sang dalan sang ginpalapitan sang wala makilala nga suspek kag ginluthang gamit ang wala mahibaluan nga kalibre sang armas.

Dugang pa ni Tuburan, ginhingagaw pa kon tani dala ang biktima sa ospital ang gindeklarar nga dead on arrival matapos nakaangkon sang malubha nga pilas sa ulo.

Sa karon nagapangita pa ang kapulisan sang dugang nga CCTV samtang indi pa ma-establisar ang motibo sa pagpatay kag pagkilala sa suspek.

What’s your Reaction?
+1
0
+1
0
+1
0
+1
1
+1
0
+1
0
+1
0

COMELEC BACOLOD GINPAGWA NA ANG SCHEDULE SANG DUGANG NGA BARANGAY SATELLITE REGISTRATION

April 25, 2024

Ginpagwa na sang Comelec Bacolod ang schedule sang batch 2 sang satellite registration sa mga Barangay. Ginpahayag ni City Election Officer Atty. Kathrina Trinio-Caña, una nila nga padulungann sa Batch 2 ang Barangay Granada sa maabot nga Abril 27.

May registration ang Comelec Bacolod sa Handumanan sa Mayo 4, Barangay Sum-ag sa Mayo 11, Barangay Alangilan sa Mayo 18, Barangay Vista Alegre sa Mayo 25, Barangay Cabug sa Hunyo 1 kag Barangay Estefania sa Hunyo 8.

Suno kay Trinio-Caña, iban sa mga Barangay ang ila na nakadtuan antes ang Barangay kag SK Elections 2023.

Ginpahayag ni Trinio-Caña, nga may mga plano man nga magpatigayon sang satellite registration sa mga buluthuan sa pagbukas sang panibag-o nga school year.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.