KALABANAN SANG BAG-O NGA COVID-19 CASES SA BACOLOD MGA MEDICAL WORKER KAG NALAKIP SA CONTACT TRACING SUNO SA BISE-ALKALDE

Share on facebook
Share on google
Share on pinterest
Share on twitter
Share on print

Ginklaro ni Vice Mayor Elcid Famillaran Chairman sang Local Inter Agency Task Force sa Bacolod nga kalabanan sang mga pasyente nga kabahin sa 52 ka mga panibag-o nga kaso sang COVID 19 sa syudad ang kabahin sang mga medical workers nga nagpaidalum sa surveillance test kag mga household nga gin tumod sang contact tracing team.

Suno kay Famillaran, sa pihak sang natabo nga pagtaas sang kaso kahapon nga adlaw, ini ang indi makabig bilang fresh cases nga record sang syudad.

Base sa pinaka latest nga tally nga pa gwa kahapon nga adlaw, ang Bacolod ang may yara sang 5,124 nga kadamuon sang kaso sa diin 4,582 diri ang tigayon na nga naka recover samtang 391 na lamang ang active cases.

Ang Bacolod ang may yara sang 151 nga kadamuon sang mga pasyente nga nagkalamatay ukon 2.95 porsiyento lamang sang positibo nga kaso.

Samtang, nasaylo na sa isolation facility sang syudad ang tanan nga mga pasyente nga nangin bag-o nga kaso sang COVID 19 sa Bacolod.

Ini ang gin kumpirmar ni Executive Assistant Ernie Pineda nga amo man ang tagpamuno sang extraction team.

Suno kay Pineda, wala sang backlog sa ila trabaho bangud ang tagsa ka mga positibo nga kaso nga naga lab-ot sa iya talatapan ang ila gilayon nga gina aktuhan.

Sa pihak nga pihak nga bahin, gin kumpirmar man ni Pineda nga gin aprobahan na sang Emergency Operation Center ang pagpatigayon sang surveillance testing sa grupo sang mga food deliveries apang wala pa sa karon natalana ang pat-od nga schedule. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.