KABANKALAN PNP, MAY PERSON OF INTEREST NA SA PAGLUTHANG-PATAY KAY ATTY. RAMOS

Share on facebook
Share on google
Share on pinterest
Share on twitter
Share on print

Kabankalan City – May yara na sang persons of interest ang kapulisan sa syudad sang Kabankalan angut sa pagluthang- patay kay Atty. Benjamin Ramos.

Suno kay Supt. Jonel Guadalupe, hepe sang Kabankalan City PNP nga may gina imbestigahan sila nga makabig suspetsado, apang nagpamalibad ini nga hingadlan.

Indi paman mapalayag ni Guadalupe kun ini mga gun for hire ukon personal nga may kaakig kay Ramos.

Samtang, ginatutokan sang otoridad ang angulo angut sa trabaho sang biktima bilang abogado, ilabi na ang mga kaso sa duta.

Dugang pa ni Guadalupe, gin aku sang asawa sang biktima nga si Clarissa madugay na nga nakabaton sang pamahog sa kabuhi ang iya bana apang wala ini ginparecord sa kapulisan.*Aksyon Bryan Morden

PROVINCIAL ADMINISTRATOR: MAY MGA NEGRENSE SA GIHAPON NGA WALA NAGAPATI SA BENEPISYO SANG COVID-19 VACCINES

May mga Negrense sa gihapon nga wala  nagapati sa benepisyo  sang COVID-19 vaccines.

Ini ang ginpahayag ni Provincial Administrator Atty. Rayfrando Diaz II.

Suno kay Diaz, ini nga mga persona ang residente sang banwa ukon syudad  nga may manubo  nga turnout ukon compliance sa vaccination program.

Dugang pa ni Diaz,  may mga local government units (LGUs)  man nga nagatinguha agud makombinsir ang ila  mga pumuluyo  agud  magpabakuna,  sa diin iban sa mga ini ang ginahatagan pa sang ayuda  nga bugas ukon pagkaon.

Apang  ginklaro ni Diaz  nga wala man ginapilit sang gobyerno probinsiyal ang mga wala sang gana sa pagpabakuna.

Sa karon  ginatutukan sang probinsiya  ang mga lugar   nga may  maayo  nga resulta sa implementasyon sang vaccination program, agud malab-ot ang ginatarget nga herd immunity. | Aksyon Marlon Genovea

MANGUNGUMA PATAY MATAPOS GINTIRO SANG GWARDYA

Patay sang gindangat sa Hinigaran Emergency Clinic ang isa ka mangunguma sang luthangon sa Hacienda Bail, Barangay Tuguis, Banwa sang Hinigaran kahapon, Myerkules sang aga.

Ang biktima ginkilala nga si Julius Denagiba, 35 anyos, pamilyado kag nagapuyo sa amo man nga lugar, samtang ang suspetsado nga gwardiya ginkilala kay Rogel Belonio, 55 anyos, pamilyado kag nagapuyo sa Barangay Singcang Airport, syudad sang Bacolod.

Suno kay PMaj Jake Barila, hepe sang Hinigaran PNP, nagpaharab sang karbaw ang anak kag hinablos ni Denagiba malapit sa duta nga ginabantayan ni Belonio.

Pila ka minutos nag-abot ang biktima sa lugar kag nagbaisay sila sang suspetsado tubtob nga ginluthang ini gamit ang 12 gauge shotgun.

Naka-angkon sang malubha nga pilas si Denagiba nga gindeklarar nga patay sa clinic sa Hinigaran.

Padayon pa ginapangita si Belonio kag isa pa ka gwardiya nga upod sini nga si Eric Soriano sang San Isidro, Banwa sang Pontevedra tanan sa idalum sang RHN Security Agency.

Ang biktima isa lang sa madamo nga benepisyaryo sa amo nga duta nga ginapanag-iyahan sang pamilya Magallanes, apang wala pa sang CLOA. 

Dugang ni Barila, bangud nga benepisyaryo ini may daan na nga indi pag-intindihanay ang nga blue guards kag ang mga bepisyaryo sang duta nga ila ginabantayan.

MORE STORIES:

LIKE US ON FB

error: Ooops... You are not authorized to copy this content.