KABANKALAN NAKA RECORD SANG UNA NGA PATAY BANGUD SA COVID-19

Share on facebook
Share on google
Share on pinterest
Share on twitter
Share on print

Nakarekord ang syudad sang Kabankalan sang una nga kaso sang pagkapatay sa Covid-19.

Ini amo ang 34 anyos nga dalaga sang Barangay 6 Kabankalan.

Sa interview sang Aksyon Radyo Bacolod, ginpahayag ni Mayor Pedro Zayco nga wala man sang balatian ang pasyente,  kundi nagbatyag lamang sang pag-ubo kag kabudlayan sa pag-ginhawa sadtong Oktubre 12.

Sa record sang City Health Office, una nga nagpadulong ang pasyente sa veterinary clinic sadtong Oktubre 11, antis magpakonsulta sa pribado nga bululngan sa syudad. Oktubre 13 ini ang liwat nga nagbalik sa hospital,  nagpa x-ray kag nagpauli sa ila puluy-an.

Oktubre 14 sang aga sang ini ang magpaadmit sa hospital kag ginkuhaan sang swab test. Alas 6:30 sang gab-i sang mapatay ang pasyente kag Oktubre 16 sang maguwa ang resulta  nga  ini ang nagpositibo sa Covid-19.

Suno kay Zayco, gilayon ini nga ginpalubong basi sa protocol sang Department of Health . Gin-umpisahan na ang contact tracing sa pamilya sang napatay. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.