Nadugangan sang isa ang napatay sa Covid-19 sa syudad sang Kabankalan, Negros Occidental.
Sa record sang City Health Office, ini nga pasyente amo ang lalaki edad 70 anyos nga nagasuprer sang hypertension, diabetes, kag congenital heart condition.
Siya ang napatay sa pribado nga hospital sa syudad sang Bacolod.
Ginpakamaayo sang pamilya nga gilayon icremate ang bangkay, sandig sa protocol sang Department of Health.
Sa karon duha na ang mga napatay sa Covid-19 sa amo nga syudad.
May 335 man ini nga kadamuon sang mga confirmed cases, 175 recovered kag 158 active cases. Pinakadamo nga kaso ang narekord sa Barangay 4 nga may 42, kag Barangay 9 nga may 40. | Aksyon Marlon Genovea