KABANKALAN MAYOR ZAYCO NAG MANDO SANG ISTRIKTO NGA PAGPATUMAN SANG COMMUNITY LOCKDOWN SA RELOCATION SITE BRGY 9

Share on facebook
Share on google
Share on pinterest
Share on twitter
Share on print

Ginmando ni Mayor Pedro Zayco Jr., ang istrikto nga implementasyon sang community lockdown sa relocation site Barangay 9 syudad sang Kabankalan, agud mapasiguro nga ginasunod sang mga residente ang mga kasuguan sang Covid-19 Inter-Agency Task Force.

Ini matapos matukiban nga may pila ka mga persona ang nagbiya sa lugar, sang mahibaluan nga ini ang ipaidalom sa 14 ka adlaw nga lockdown. Ginpanawagan ni Zayco sa mga pumuluyo, nga indi anay maghalin sa ila puluy-an kag likawan ang pagtipon-tipon.

Oktubre 1, sang mag-umpisa ang lockdown matapos magpositibo sa Covid-19 ang 21 ka mga ginpaidalom sa swab testing.

Sila ang kalakip sa masobra isa ka gatos ka mga ginkuhaan sang swab test.

Dugang pa sang alkalde, may kapin isa pa ka gatos ka mga persona ang gin swab subong nga adlaw, kabahin sa ginpatigayon nga contact tracing agud mapunggan ang padayon nga pagdamo sang Covid-19 cases sa syudad.

“As of October 5, 2020, nakarekord ang Kabankalan sang 163 ka mga confirmed cases, 98 recovered patients, kag 98 active cases. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.